ԼՂՀ ԱՆ. Պարգևատրվել են բուժաշխատողները

Առողջապահության աշխատողների արհեստակցական կազմակերպությունների ճյուղային հանրապետական միության նախաձեռնությամբ ԼՂՀ առողջապահության նախարարության Հանրապետական բժշկական կենտրոնում մի շարք բուժաշխատողներ են պարգևատրվել:

Պարգևների հանձման հանդիսավոր արարողությանը ներկա է եղել նաև ԼՂՀ առողջապահության փոխնախարար Կարեն Ղուկասյանը:
  

Բացման խոսքում՝ ՀԲԿ արհեստակցական կոմիտեի նախագահ, Հանրապետական բժշկական կենտրոնի վերակենդանացման բաժանմունքի ղեկավար, անեսթեզիոլոգ-ռեանիմատոլոգ Լևոն Հայրապետյանը ողջունելով գործընկերներին, ներկայացրել է աշխատանքային ակտիվություն ցուցաբերած այն բուժաշխատողներին, ովքեր առողջապահության բնագավառում բարեխիղճ աշխատանքի համար արհմիության կողմից արժանացել են պատվոգրերի և նվերների:
 

ԼՂՀ արհմիությունների ֆեդերացիայի նախագահ Արա Ղահրամանյանը բոլոր բուժաշխատողներին շնորհակալություն է հայտնել քրտնաջան աշխատանքի, մասնավորապես քառօրյա պատերազմի ժամանակ ցուցաբերած ակտիվ գործունեության համար և հավելել, որ ֆեդերացիան աջակցել և աջակցելու է առողջապահության համակարգին:
 

ԼՂՀ արհմիությունների ֆեդերացիայի խորհրդի որոշմամբ` Հանրապետական բժշկական կենտրոնի գործադիր տնօրեն Կարեն Բազյանը պարգևատրվել է ԼՂՀ արհմիությունների մեդալով:
  

ԼՂՀ առողջապահության նախարարության Հանրապետական բժշկական կենտրոնի արյան փոխներարկման բաժանմունքի վարիչ Գայանե Ավանեսյանը պարգևատրվել է պատվոգրով և նվերներով:
 

ԼՂՀ «Բուժքույրերի միավորում» ասոցացիայի նախագահ, Հանրապետական բժշկական կենտրոնի գլխավոր բուժքույր Լիլյա Մովսեսյանն էլ պատվոգրերով և նվերներով է պարգևատրել առողջապահական համակարգում ներդրում ունեցած մի խումբ բուժքույրերի:

Հարցեր, պատասխաններ, մեկնաբանություններ